2025 жыл Астана қаласы Кәсіпкерлер палатасы үшін нәтижелі жыл болды. Жыл қорытындысы көрсеткендей, бизнестің құқықтарын қорғау бағыты әлі де сұранысқа ие әрі тиімді құрал болып отыр, деп хабарлайды DKNews.kz.
Жыл ішінде Палатаға кәсіпкерлерден 300-ден астам өтініш түсті. Нәтижесінде 252 кәсіпкердің құқығы қорғалды, ал қорғалған мүдделердің жалпы көлемі 14,6 млрд теңгеге жетті.
Бұл тек құрғақ статистика емес. Әр цифрдың артында нақты компаниялар мен күрделі жағдайларды шешу жұмысы тұр.
Кәсіпкерлер қай салаларда көбірек қиындық көреді
Талдау көрсеткендей, өтініштердің басым бөлігі мына бағыттарға қатысты болды:
- мемлекеттік сатып алулар
- салықтық даулар
- жер мәселелері
Көп жағдайда түйткілдер заң нормаларын дұрыс түсінбей қолданудан немесе рәсімдік талаптардың бұзылуынан туындайды.
Архитектура және қала құрылысы да өзекті тақырыптардың бірі болды. Бұл жерде кәсіпкерлер шешімдердің созылып кетуі мен ведомстволар арасындағы келісімнің болмауына жиі тап болады.
Формальды хат алмасу емес, нақты диалог
Өтініштердің басым бөлігі жеке-жеке қарауды талап етті. Сондықтан жыл ішінде Палата алаңында:
- прокуратура
- жергілікті атқарушы органдар
- орталық мемлекеттік органдардың аумақтық бөлімшелерімен
30-дан астам жұмыс кездесуі өтті.
Осындай диалог форматы бизнес мәселелерін жедел шешуге және кәсіпкерлерді миллиондаған шығындардан сақтауға мүмкіндік берді.
Ең күрделі істер Кеңес деңгейінде қаралды
Ұзаққа созылған және ерекше жағдайлар
Кәсіпкерлердің құқықтарын қорғау және сыбайлас жемқорлыққа қарсы іс-қимыл жөніндегі Кеңесте талқыланды.
Жыл ішінде 12 отырыс өткізіліп, бірқатар өтініш бойынша бизнес пайдасына шешімдер қабылданды. Кейбір фактілердің нәтижесі бойынша алты лауазымды тұлға тәртіптік жауапкершілікке тартылды.
Жүйелі мәселелер әлі де бар
Жыл қорытындысы бизнес пен мемлекет арасындағы қарым-қатынаста әлі де шешімді қажет ететін мәселелер бар екенін көрсетті:
- ведомстволар арасындағы үйлестіру жеткіліксіз
- кері байланыс дер кезінде берілмейді
- әкімшілік рәсімдер мен мерзімдер сақталмайды
Алдағы басымдықтар
Қазіргі жылы Палата мемлекеттік органдардың әкімшілік рәсімдерді сақтауына ерекше назар аударуды жоспарлап отыр.
Басты міндеттер:
- заңсыз шешімдер мен әрекеттерге шағымдану тетіктерін барынша пайдалану
- кәсіпкерлердің құқықтарын қорғауды күшейту
- қажет болған жағдайда сотқа дейін жеткізу
Мақсат айқын: кәсіпкерлердің құқық бұзушылыққа тап болуын азайтып, бизнес үшін болжамды әрі түсінікті орта қалыптастыру.
