Қазақстанның тағы үш облысында автокөлік қозғалысы шектелген, деп хабарлайды DKNews.kz.
2026 жылғы 19 қаңтар сағат 10:00-дегі жағдай бойынша ауа райының бұзылуына байланысты 3 облыстағы 3 республикалық маңызы бар автомобиль жолында көлік қозғалысына шектеу қойылған:
Атырау облысы:
- «Ақтөбе — Қандыағаш — Доссор — Атырау — РФ шекарасы» автожолының 621-841 шақырымы аралығы (Атырау қаласы — Құрманғазы ауылы).
Шығыс Қазақстан облысы:
- «Өскемен – Алтай – Үлкен Нарын — Катонқарағай – Рахман қайнары» автожолының 7-450 шақырымы аралығы (Ушановское ауылы – Рахман қайнары шипажайы).
Жетісу облысы:
- «Үшарал – Достық» автожолының 84-164 шақырым аралығы (Көктұма ауылы – Достық станциясы).
Шығыс Қазақстан облысында 2026 жылғы 19 қаңтар сағат 11:00-де республикалық маңызы бар «Өскемен – Алтай – Үлкен Нарын — Катонқарағай – Рахман қайнары» автожолының 7-450 шақырым аралығындағы учаскесінде (Ушановское ауылы – Рахман қайнары шипажайы) көлік қозғалысы ашылады.
1403 байланыс орталығына хабарласып, тәулік бойы қосымша ақпарат алуға болады.
