Алматы маңындағы таулар бұл демалыс күндері спорт пен эмоцияның орталығына айналды. Ski With Chery қысқы іс-шарасы аясында әуесқой шаңғы тебу және сноуборд жарыстары өтіп, Chery бренді өз клиенттерін Oi Qaragai тау шаңғысы курортында бір алаңға жинады, деп хабарлайды DKNews.kz.
Іс-шараны Astana Motors құрамына кіретін Chery Kazakhstan ресми дистрибьюторы ұйымдастырды. Қар басқан тау бөктері, таза ауа мен ашық аспан аясында бренд қонақтарына белсенді демалысқа, еркін қарым-қатынасқа және жарқын әсерге толы күн сыйлады.
Спорт пен демалыс біріккен күн
Ski With Chery шарасы Chery-дің жаһандық With Chery With Love тұжырымдамасы аясында өтті. Бұл формат бренд автокөліктерінің иелерін біріктіріп, ортақ құндылықтарды - қозғалысты, белсенді өмір салтын және қауымдастық сезімін алға шығарады.
Қонақтар әуесқой шаңғы тебу мен сноуборд жарыстарына қатысып, жарыс жеңімпаздары бренд атынан естелік медальдар мен сыйлықтарға ие болды. Сонымен қатар, барлық қатысушылар үшін ойын-сауық бағдарламасы, интерактивті ойындар, музыка және таза ауада ұйымдастырылған дастархан ұсынылды.
Chery – жай автокөлік емес, өмір салты
Chery Kazakhstan маркетинг жөніндегі директоры Айгүл Темешова мұндай кездесулердің бренд философиясындағы маңызын атап өтті.
«Chery - қозғалысты, адам эмоцияларын және белсенді өмірді бағалайтын өмір салты. Біз клиенттер өздерін үлкен қауымдастықтың бір бөлігі ретінде сезінетін орта қалыптастырамыз. Клиенттер күні - біздің философиямыздың маңызды бөлігі және брендімізді таңдаған адамдарға жақын болудың жолы», - деді ол.
Назарда – Chery Tiggo 9 флагманы
Іс-шара барысында қонақтардың ерекше қызығушылығын Chery Tiggo 9 флагмандық кроссовері тартты. Бұл модель премиум санаттағы жайлылықты, заманауи дизайнды және озық қауіпсіздік технологияларын біріктіреді.
Автокөлік 245 ат күшіне ие 2,0 литрлік турбо қозғалтқышпен, ақылды толық жетек жүйесімен және премиум сегмент деңгейіндегі заманауи қауіпсіздік жүйелерімен жабдықталған. Таулы аймақта өткен іс-шарада бұл модель белсенді өмір салтының символындай көрінді.
«Атмосферасы – үлкен плюс»
Іс-шараға қатысушылардың айтуынша, Ski With Chery тек жарыс емес, ерекше көңіл күй сыйлаған кездесу болды.
«Даладағы температура минус болғанымен, іс-шара атмосферасы - үлкен плюс. Мұндай жиындар нағыз отбасылық сезімді тудырады. Chery тек автокөлік туралы ғана емес, бұл бізге - клиенттерге деген көңіл, ортақ мүдде және өзара берік достық», - деді қатысушы Александра Сарычева.
Төрт жылдық дәстүрге айналған клиенттік күндер
Chery клиенттік күндері Қазақстанда төртінші жыл қатарынан өткізіліп келеді және бүгінде жақсы дәстүрге айналған. Бұл іс-шаралар автокөлікті тек қозғалыс құралы емес, белсенді әрі мазмұнды өмір салтының бір бөлігі ретінде қабылдайтын адамдарды біріктіреді.
Chery-дің Қазақстандағы орны
Қазіргі таңда Chery тек қытайлық автокөліктер сегментінде ғана емес, жалпы нарықта да тұрақты түрде жоғары орындарды иеленіп келеді. Қазақстан автокөлік одағының (ҚАО) дерегіне сәйкес, 2025 жылы 14,5 мыңнан астам қазақстандық Chery автокөлігін сатып алған. Нәтижесінде бренд жаңа автокөліктердің жалпы сатылым рейтингінде төртінші орынға көтерілді.
Биыл Chery бренді Қазақстан нарығына ресми шыққанына 5 жыл толып отыр. Алғашқы сатылымдар 2021 жылдың желтоқсанында басталды. Осы уақыт ішінде елде 46 мыңнан астам Chery автокөлігі сатылған.
Брендтің ресми дилерлік орталықтар желісі Қазақстанның негізгі қалаларын қамтиды. Бүгінде ел бойынша 26-дан астам Chery дилерлік автоорталығы жұмыс істейді. Сонымен қатар, бірқатар модельдерге 7 жыл немесе 200 000 км жүріске дейінгі зауыттық кепілдік ұсынылады. Бұл өндірушінің өз өнімінің сапасы мен сенімділігіне деген жоғары сенімін көрсетеді.
