Samsung Electronics Қазақстанда NFC Access Card инновациялық сервисін іске қосып, Samsung Wallet экожүйесінің мүмкіндіктерін жаңа деңгейге шығарды. Енді Galaxy смартфондары тек төлем құралы ғана емес, кеңсе, тұрғын үй кешені немесе басқа да нысандарға кіруге арналған әмбебап сандық кілтке айналады, деп хабарлайды DKNews.kz.
Пайдаланушылар физикалық қолжетімділік карталарын смартфонға көшіру арқылы төлем карталарын, сандық құжаттарды және кілттерді бір қауіпсіз қолданбада сақтай алады. Яғни қалтадағы карталар мен брелоктар өткеннің еншісінде қалады.
«Біз Galaxy смартфоны тұтынушыға толық қозғалыс еркіндігін беруі тиіс деп есептейміз. NFC Access Card мүмкіндігімен телефон шын мәнінде өзіңізбен бірге алып жүруге қажет жалғыз кілтке айналады», – деді Samsung Wallet сервисінің Орталық Еуразия бойынша менеджері Манарбек Абенов.
Күнделікті өмірді жеңілдететін технология
NFC Access Card күнделікті ұсақ, бірақ мазалайтын мәселелерді шешуге бағытталған. Физикалық пропускіні ұмытып кету, жоғалту немесе сөмкеден ұзақ іздеу сияқты «микрокүйзелістер» енді артта қалады.
Қызмет байланыссыз қолжетімділік карталарының деректерін тікелей смартфонға көшіруге мүмкіндік береді. Кеңсе ғимараты, тұрғын үй кешені немесе басқа да жабық аумақтар – барлығында есікті ашу үшін смартфонды оқытқышқа жақындату жеткілікті.
«Ақылды үй» және SmartThings экожүйесі
Samsung NFC Access Card мүмкіндігін «Ақылды үй» сценарийлерімен де үйлестіріп отыр. Электрондық есік құлыптарының иелері құрылғыларын SmartThings экожүйесіне қоса алады.
Бұл пайдаланушыларға:
- есікке қолжетімділікті қашықтан басқаруға;
- қонақтар үшін уақытша сандық кілттер жасауға;
- есіктің ашық немесе жабық күйі туралы нақты уақыт режимінде хабарландыру алуға мүмкіндік береді.
Смартфон осылайша қарапайым кілттен толыққанды басқару орталығына айналады.
Қорғаныс деңгейі – ең жоғары стандартта
Samsung Wallet-тегі барлық деректер көп деңгейлі Samsung Knox қауіпсіздік платформасымен қорғалады. Аппараттық шифрлау мен токенизация технологиялары сандық кілттің көшірілуіне немесе бөгде адамдардың қол жеткізуіне жол бермейді.
Смартфон жоғалған жағдайда да деректер иесінің рұқсатынсыз ашылмайды. Бұл NFC Access Card-ты күнделікті қолдануға сенімді шешім етеді.
Қандай карталар мен құрылғылар қолдайды
Іске қосу сәтінде сервис заманауи NFC-карталардың басым бөлігін қолдайды. Ерекшелік тек NFC-чипі жоқ ескі «тамшы тәрізді» брелоктарға қатысты.
NFC Access Card келесі Galaxy смартфондарында қолжетімді:
- Galaxy S флагмандық сериясы (S21 және одан кейінгі модельдер);
- Galaxy Z Fold және Galaxy Z Flip бүктелетін смартфондарының соңғы буындары.
Неге бұл маңызды
Samsung Wallet-тің жаңа мүмкіндігі смартфонды күнделікті өмірдің басты құралына айналдыруға тағы бір қадам жасайды. Төлем, құжат, кілт, пропуск – барлығы бір құрылғыда, бір экожүйеде және жоғары қауіпсіздікпен.
NFC Access Card – бұл жай ғана жаңа функция емес. Бұл қалада еркін қозғалу, артық заттан арылу және технологияны шын мәнінде сезіну. Galaxy пайдаланушылары үшін енді ең маңызды кілт – өз смартфоны.
