Астанада «Наурызнаманың» онкүндігі аясында Шаңырақ күніне орай Сарыарқа ауданында ерекше қажеттілігі бар балаларға арналған тұсаукесер рәсімі ұйымдастырылды, деп хабарлайды елорда әкімдігінің ресми сайты, деп хабарлайды DKNews.kz.
Тұсау кесу рәсімі: дәстүр мен ізгі тілек
Іс-шара аясында 4 ерекше баланың тұсауын Сарыарқа ауданы әкімінің орынбасары Дінмұхаммед Құлдашов кесіп, сәттілік тіледі. Бұл рәсім әр отбасы үшін маңызды сәт болып, баланың өмір жолына ақ ниет білдіру дәстүрін жалғастырады.
Шаңырақ – береке мен бірліктің символы
Қазақ халқы үшін шаңырақ – берекенің, бірліктің, ұрпақ сабақтастығының қасиетті белгісі. Тұсаукесер – шаңырақтағы сәби өміріне ақ жол тілейтін, баланың болашағына ізгі ниет білдіретін мәні зор ғұрып. Сондықтан Шаңырақ күні аясында ұйымдастырылған рәсімнің мазмұны мен мағынасы айрықша болды.
Ұлттық дәстүр мен отбасылық құндылық
Тағылымы мол шара ұлттық дәстүрдің мәнін ұғындырумен қатар, ерекше бала тәрбиелеп отырған отбасыларға қолдау көрсетуге арналды, жиын барысында оларға естелік сыйлықтар табысталды.
Қалай өтті рәсім
Шара барысында балалар мен олардың ата-аналары үшін ерекше атмосфера жасалып, ұлттық құндылықтар дәріптелді, дәстүрлі рәсім арқылы қоғамдағы әрбір отбасының рөлі мен маңызы көрсетілді.
