«Астана Балет» театры жыл сайынғы гастрольдік сапарында Алматының көрермендеріне жаңа және ерекше қойылымдар ұсынуға дайын. 2-8 мамыр аралығында Almaty Theatre сахнасында өтетін гастрольдер барысында елордалық ұжым театрдың шығармашылық ізденісін және заманауи сахна тілін көрсететін жарқын туындыларын ұсынады, деп хабарлайды DKNews.kz.
Жаңа қойылымдар мен театрдың шығармашылық бағыттары
Театр директоры Тайыр Қаратаев атап өткендей, биылғы гастрольдің басты ерекшелігі — Алматы көрермендері бұрын көрмеген жаңа қойылымдардың ұсынылуы. Театр үшін орындаушылық деңгейін ғана жоғары ұстап қоймай, көркемдік көкжиегін кеңейту де өте маңызды. Бұл шығармашылық ізденістерін көрсетуге және көрерменмен заманауи сахна тілінде байланыс орнатуға деген ұмтылысты айқындайды.
Гастроль бағдарламасы
2 мамыр – «Қос кілем» балетінің премьерасы
Гастроль шымылдығы 2 мамырда екі актілі «Қос кілем» балетінің премьерасымен ашылады. Қойылым Ширван кілемі туралы ежелгі әзірбайжан аңызына негізделген. Спектакль кілем өрнегінің адам өмірбаянына айналып, әр иірімінде тағдырлар мен сезімдер сақталады. Бұл балетте мәңгілік тақырыптар — махаббат, айырылу және қайта табысу мәселелері көтеріліп, кілем адалдық пен рухани байланыстың символына айналады. Либретто авторы Валерий Копейкин, қоюшы-режиссер Александр Могилев.
7-8 мамыр – «Carmina Burana» балет-кантаты
Гастрольдің шарықтау шегі 7 және 8 мамырда өтетін «Carmina Burana» балет-кантатасы болмақ. Бұл қойылым 2025 жылдың үздік қойылымы деп танылған және сахнада балет, хор, оркестр мен солисттердің тартымды синтетикалық көрінісін ұсынады. Спектакль адам табиғатының мәңгілік тақырыптарын — махаббат, азғыру, рухани таңдау және қарама-қайшылықтардың күресін көрсетеді. Қойылымда Қайта Өрлеу дәуірінің эстетикасынан шабыт алған бейнелер мен символдар пайдаланылған. Бас дирижер Арман Оразғалиевтің жетекшілігіндегі оркестр, хор және солисттер спектакльді музыкамен сүйемелдейді.
Қойылымға қатысушылар
- Баритон Әділ Сұлтан
- Тенор Талғат Аллабиринов
- Сопрано Фируза Рахметова
Қойылымның қоюшы-хореографтары — Мукарам Абубахриева (Авахри) және Тимур Загидуллин.
Театрдың көзқарасы мен үміттері
«Алматыға гастрольдік сапар біздің театрымыз үшін әрқашан ерекше оқиға болып табылады», — деп атап өтті театрдың көркемдік жетекшісі Нұрлан Қанетов.
«Жыл сайын Алматының көрермендерімен қауышуды асыға күтеміз және гастрольдік репертуарымызда олар бұрын көрмеген жаңа қойылымдарды көрсетуге тырысамыз. Біз «Қос кілем» және «Carmina Burana» спектакльдерін көрермен қауымның тамашалап, бағалауына лайық деп есептейміз. Алматы жұртшылығы әртістеріміздің барлық күш-жігері мен талантын сезініп, осы жарқын әрі әсерлі оқиғаларды бізбен бірге басынан өткереді деген үміттеміз», — деді Нұрлан Қанетов.
Қолдау
Іс-шара Қазақстан Республикасының Мәдениет және ақпарат министрлігінің қолдауымен ұйымдастырылуда.
