Жетісу облысында су шаруашылығы инфрақұрылымын жаңғыртуға бағытталған ірі жобалар іске асырылып жатыр. Негізгі мақсат – суармалы жерлерді тұрақты сумен қамтамасыз ету және ауыл шаруашылығының тиімділігін арттыру, деп хабарлайды DKNews.kz.
Жобалар Ақсу және Көксу аудандарында қатар жүзеге асуда.
Ақсу ауданында 37,8 шақырым канал жаңартылады
Ақсу ауданында суару желілерін реконструкциялау жобасы аясында:
- 37,8 шақырым канал жаңартылады
- 170 гидротехникалық нысан салынады
- 11 548 гектар ауыл шаруашылығы алқабына су жеткізу жақсарады
Құрылыс-монтаж жұмыстары кезең-кезеңімен сегіз каналда жүргізілуде:
- КРХ-1-1-1
- «Ойтоған»
- «Қаратоған»
- «Алтынарық»
- «Сол жағалау»
- 1РХ
- «Танеке»
- ВРХ-1
Көксу ауданында ірі жоба жүзеге асуда
Көксу ауданында да суару жүйелерін жаңарту жұмыстары қарқынды жүріп жатыр.
Жоба аясында:
- 266,4 шақырым канал қайта жөнделеді
- 1 099 гидротехникалық нысан салынады
- 15 537 гектар суармалы жердің сумен қамтылуы жақсарады
Қазіргі уақытта жұмыстар келесі каналдарда жүргізілуде:
- Р-1-1
- «Жекмет»
- Р-3-4
- «Ақшатоған»
- «Нұрабай»
- «Орта Арық»
- «Мәмбет»
- «Бақытжан»
Жоба екі кезеңмен іске асады
Көксу ауданындағы жоба екі кезеңге бөлінген.
- бірінші кезеңдегі жұмыстарды биыл аяқтау жоспарланып отыр
- кейінгі кезеңде қалған инфрақұрылым толық жаңғыртылады
Бұл тәсіл жобаны тиімді әрі жүйелі жүзеге асыруға мүмкіндік береді.
Ауыл шаруашылығы үшін жаңа мүмкіндік
Мамандардың айтуынша, жобалардың нәтижесі өңір экономикасына оң әсер етеді.
— Бұл жобаларды іске асыру су шаруашылығы инфрақұрылымын жаңғырту арқылы суармалы жерлерді сумен қамтамасыз ету тиімділігін арттыруға бағытталған. Сонымен қатар бұрын ауыл шаруашылығы айналымынан шығып қалған жерлерді қалпына келтіріп, оларды қайтадан экономикалық айналымға енгізу қарастырылған. Бұл ауыл шаруашылығы өнімінің көлемін арттыруға, шаруалар табысын арттыруға және өңірдің азық-түлік қауіпсіздігін нығайтуға ықпал етеді деп күтіліп отыр, — деді «Қазсушар» РМК Жетісу облысы бойынша филиалының директоры Медет Керімжанов.
