Франциядағы әйгілі Cannes Film Festival аясында өткен China Night кешінде HONOR компаниясы киноиндустрия мен мобильді технологияны жақындататын ерекше жаңалығын таныстырды.
Бренд жаңа HONOR Robot Phone құрылғысын көрсетіп, мобильді түсірілімнің мүлде жаңа деңгейге өтетінін мәлімдеді, деп хабарлайды DKNews.kz.
Ең қызығы — бұл жай ғана камерасы жақсы смартфон емес. Компанияның айтуынша, құрылғы кәсіби операторлардың жұмысын жеңілдетуге арналған интеллектуалды жүйелермен жабдықталған. Ал ресми таныстырылымы 2026 жылдың үшінші тоқсанына жоспарланып отыр.
Смартфон емес, “қалтадағы оператор”
Соңғы жылдары контент жасаушылардың саны күрт өсті. TikTok, Instagram Reels, YouTube Shorts — бәрі сапалы видео талап етеді. Бірақ кәсіби түсірілім үшін әлі күнге дейін ауыр техника, стабилизатор және үлкен команда қажет болатын.
HONOR осы мәселені шешкісі келеді.
Компания Cannes-та көрсеткен Robot Phone құрылғысы embodied AI технологияларымен жұмыс істейді. Қарапайым тілмен айтқанда, смартфон адамның қимылын, кадр логикасын және қозғалысты “түсініп”, кадрды өздігінен тұрақтандырады және объектіні автоматты түрде бақылап отырады.
Яғни, енді жүгіріп бара жатқан адамды түсіру немесе күрделі айналмалы кадр жасау үшін оператордың артынан бірнеше адам жүгірмеуі мүмкін.
ARRI-мен серіктестік нені білдіреді?
Жобаның ең көп талқыланған тұстарының бірі — HONOR компаниясының әлемге әйгілі ARRI брендімен техникалық серіктестігі болды.
Кино әлемін жақсы білетіндер үшін ARRI атауы — сапаның символы. Голливудтағы көптеген фильмдер дәл осы брендтің камераларымен түсірілген. Компания жүз жылдан астам уақыт бойы кино түсіру стандарттарын қалыптастырып келеді.
Сондықтан HONOR-дың ARRI-мен бірлесіп жұмыс істеуі жай маркетингтік қадам емес, мобильді видеографияның кәсіби деңгейге жақындай бастағанының белгісі ретінде қабылданды.
Robot Phone не істей алады?
Презентация кезінде қонақтарға бірнеше негізгі мүмкіндік көрсетілді:
- ультраықшам 4DoF тұрақтандыру жүйесі;
- AI Object Tracking функциясы;
- AI SpinShot режимі;
- қозғалысты интеллектуалды бақылау;
- кинематографиялық айналмалы кадрлар жасау мүмкіндігі.
Әсіресе AI Object Tracking көпшіліктің назарын аударды. Жүйе кадрдағы адамды немесе объектіні автоматты түрде бақылап, оны фокустан шығармай ұстап тұрады.
Ал AI SpinShot күрделі айналмалы кадрларды түсіруге мүмкіндік береді. Бұрын мұндай кадрлар үшін арнайы ригтер мен кәсіби техника қажет болатын.
Cannes-тағы басты месседж қандай болды?
Биылғы China Night кеші “From Tradition to Tomorrow” тақырыбымен өтті. Яғни, дәстүрден болашаққа көшу идеясы негізгі концепцияға айналған.
HONOR да дәл осы бағытты ұстанып отыр: кәсіби кино технологияларын қарапайым қолданушыларға жақындату.
Бүгінде смартфон тек байланыс құралы емес. Ол — камера, монтаж студиясы, тіпті жеке медиаорталық. Ал жасанды интеллект дамыған сайын мобильді түсірілімнің мүмкіндігі де кеңейіп келеді.
Сарапшылардың пікірінше, егер Robot Phone көрсетілген функциялармен нарыққа шықса, ол контент индустриясына айтарлықтай әсер етуі мүмкін.
Өйткені қазіргі аудитория үшін ең маңыздысы — жылдамдық, мобильділік және сапа.
Ал HONOR дәл осы үш бағытқа ставка жасап отырған сияқты.
