2026 жылғы 1 қыркүйектен бастап Қазақстанда тауарлардың бірнеше ірі санатының айналым тәртібі өзгереді. Алматы қаласы бойынша Мемлекеттік кірістер департаменті ҚР Сауда және интеграция министрлігінің №199-НҚ бұйрығына сәйкес биологиялық белсенді қоспаларға (ББҚ), сондай-ақ бөтелкеге құйылған сыра мен сыра сусындарына міндетті цифрлық таңбалау енгізілетінін хабарлады, деп хабарлайды DKNews.kz.
Жаңа талаптар 2026 жылғы 1 қыркүйектен бастап Қазақстанда өндірілетін немесе ел аумағына импортталатын өнімдерге қолданылады.
Қандай өнімдер міндетті таңбаланады?
Жаңа ережеге сәйкес арнайы сәйкестендіру кодтары мынадай өнімдерге қойылады:
- ҚР немесе ЕАЭО-да мемлекеттік тіркеу туралы қолданыстағы куәлігі бар барлық биологиялық белсенді қоспалар;
- мамандандырылған тағам өнімдері мен концентраттар;
- қоспа ретінде тіркелген дәрумендер;
- минералды кешендер;
- шәрбаттар мен өсімдік сығындылары;
- бөтелкеге құйылған сыра және сыра сусындары.
Міндетті таңбалау не үшін енгізіледі?
Жоба бірнеше маңызды міндетті шешуге бағытталған.
Атап айтқанда:
- өнімнің заңсыз айналымына тосқауыл қою;
- адал бизнесті жосықсыз бәсекелестіктен қорғау;
- тұтынушыларды тексерілген әрі қауіпсіз өніммен қамтамасыз ету;
- өнімнің қозғалысын өндірушіден немесе шекарадан бастап соңғы сатып алушыға дейін толық бақылау.
Цифрлық код арқылы әрбір тауар бірлігінің бүкіл жеткізу тізбегін бақылауға мүмкіндік беріледі.
Бизнеске алдын ала дайындалу ұсынылды
Алматы қаласы бойынша Мемлекеттік кірістер департаменті импорттаушыларды, өндірушілерді және бөлшек сауда желілерін жаңа талаптарға алдын ала дайындалуға шақырды.
Ведомствоның мәліметінше, технологиялық процестерді уақытылы бейімдеу:
- кедендік рәсімдер кезінде кідірістердің алдын алуға;
- өтпелі кезеңнен қиындықсыз өтуге;
- сауда қызметінің тұрақты жүргізілуін қамтамасыз етуге мүмкіндік береді.
Неліктен бұл маңызды?
Міндетті цифрлық таңбалау көлеңкелі нарықтағы өнім көлемін азайтуға және тауардың шығу тегінің ашықтығын арттыруға мүмкіндік береді. Сонымен қатар бұл жүйе тұтынушылардың сенімін күшейтіп, нарықтағы адал бәсекелестікті дамытуға ықпал етеді.
