Өндіріс қуаты төрттен бірге өсті. Efes Kazakhstan 2026 жылдың алғашқы жартысында Қазақстандағы өндірісін жаңғыртуға, автоматтандыруға, экологиялық бастамалар мен жасанды интеллект технологияларын дамытуға басымдық берді, деп хабарлайды DKNews.kz.
Компания өндірістік инфрақұрылымын жетілдіріп, бизнестің және қоғамның ұзақ мерзімді дамуына бағытталған жобаларға инвестиция салып келеді.
Жаңа желі өндіріс қуатын 25%-ға ұлғайтты
Биылғы негізгі жобалардың бірі — Алматы облысының Береке ауылындағы Efes Kazakhstan зауытында жаңа өндірістік желінің іске қосылуы.
Германияда шығарылған жабдық толық автоматтандырылған. Желі цифрлық бақылау және техникалық қызмет көрсету жүйелерімен жабдықталған әрі халықаралық сапа талаптары мен қоршаған ортаға түсетін салмақты азайту қағидаттары ескеріліп жобаланған.
Жаңғыртудан кейін кәсіпорынның өндірістік қуаты 25%-ға артты, ал түрлі форматтарға ауысу кезінде жабдықты қайта баптауға кететін уақыт 30%-ға қысқарды.
Бұл кәсіпорынға өндіріс көлемін ұлғайтып қана қоймай, нарықтағы сұраныс өзгерген жағдайда өндірістік процесті жылдамырақ бейімдеуге мүмкіндік береді.
Қазақстандағы инвестициялық жоспарлар Ақорда деңгейінде талқыланды
Шілде айының басында Anadolu Group төрағасы Камиль Языджы мырза Астанада өткен Қазақстан Республикасы Президенті жанындағы Шетелдік инвесторлар кеңесінің 38-отырысына қатысты.
Қазақстан Президенті Қасым-Жомарт Тоқаевпен кездесу барысында топтың елдегі ұзақ мерзімді инвестициялары, бизнесті одан әрі кеңейту және экономикалық ынтымақтастықты нығайту мәселелері талқыланды.
Камиль Языджы мырза Премьер-министрдің орынбасары – Ұлттық экономика министрі Серік Жұманғаринмен де кездесті. Кездесуде инвестициялық ахуал мен саланы реттеуге қатысты мәселелер қаралды.
Алматы облысындағы өндірісті жаңғыртумен қатар өткен бұл келіссөздер компанияның Қазақстандағы инвестициялық бағыты бір ғана жобамен шектелмейтінін көрсетеді.
200 тоннадан астам қалдық қайта өңдеуге жіберілді
Компания өндірістік тиімділікпен қатар қоршаған ортаға түсетін жүктемені азайту бағытындағы жобаларды да жалғастырып келеді.
2026 жылы Efes Kazakhstan өндірістік алаңдарынан 200 тоннадан астам қалдық қайта өңдеуге жіберілді.
Алматыдағы кеңседе қайталама шикізаттың бес түрін бөлек жинауға арналған корпоративтік станция жұмыс істейді. Оны компания қызметкерлерімен бірге маңайдағы тұрғындар да пайдаланып, сұрыпталған қалдықтарын қайта өңдеуге өткізе алады.
Алматыда 120 ағаш отырғызылды
Экологиялық бастамалар өндіріс аумағымен шектелмейді.
Efes Kazakhstan екінші жыл қатарынан Алматының Алатау ауданын көгалдандыру жобасын жүзеге асырып келеді. Осы уақыт ішінде 60 қызметкер 120 ағаш отырғызған. Әр көшетке жеке суару жүйесі орнатылған.
Компания Efes Art Space жобасын да жалғастырып отыр. Бес жылдан бері жүзеге асырылып келе жатқан бастама өзекті қоғамдық тақырыптарды қозғайтын жобаларды қолдап, қазақстандық заманауи өнерді кең аудиторияға таныстыруға бағытталған.
Қазақстандық мамандар AI-жобалар әзірлеп жатыр
Компанияның тағы бір бағыты жасанды интеллект технологияларымен байланысты.
2026 жылдың алғашқы жартысында FutureBuilders: AI Era корпоративтік бағдарламасы жалғасты. Бағдарлама Қазақстан, Грузия және Молдова қызметкерлерін жасанды интеллект негізіндегі шешімдерді әзірлеуге біріктіреді.
Efes Kazakhstan Қазақстан Республикасының Баскетбол федерациясымен серіктестігін де жалғастырып келеді. Ынтымақтастық аясында матчтарды өткізу стандарттарын көтеру, спорт инфрақұрылымын дамыту, халықаралық мамандармен тәжірибе алмасу және қазақстандық баскетболды кеңінен таныту көзделген.
Ал алғашқы жартыжылдықтағы ең нақты өндірістік нәтиже цифрмен көрінеді: Алматы облысындағы кәсіпорынның қуаты 25%-ға өсті, ал жабдықты қайта баптауға кететін уақыт 30%-ға азайды.
