Сақтандыру төлемінің шегі алты есе ұлғаяды. Қазақстандық көлік иелері жол полициясын шақырмай-ақ жол-көлік оқиғасы бойынша 600 АЕК-ке дейін, яғни 2 595 000 теңге сақтандыру төлемін ала алады, деп хабарлайды DKNews.kz.
Мұндай мүмкіндік Freedom Insurance компаниясының көлік құралдары иелерінің азаматтық-құқықтық жауапкершілігін ерікті сақтандыруға арналған жаңа “Tulpar” АҚЖЕС өнімі арқылы беріледі. Компанияның мәліметінше, ол Еурохаттама аясында зардап шеккен тараптың шығыны стандартты сақтандыру төлемінен асып кеткен жағдайда міндетті автосақтандыруды толықтырады.
Міндетті сақтандырудан бөлек 2,16 млн теңгеге дейін төленеді
Еурохаттама арқылы рәсімделген жағдайда КҚИ АҚЖМС шарты бойынша сақтандыру төлемі 100 АЕК-ке дейін, яғни 432 500 теңгені құрайды.
Freedom Insurance баспасөз хабарламасында көрсетілгендей, шығын осы сомадан асып кетсе, айырманы әдетте жол-көлік оқиғасына кінәлі жүргізуші өз қаражатынан өтейді.
“Tulpar” АҚЖЕС дәл осы қосымша шығынды жабуға арналған. Жаңа өнім бойынша ең жоғары қосымша сақтандыру төлемі 500 АЕК, немесе 2 162 500 теңге.
Міндетті сақтандыру төлемімен бірге жалпы сома 600 АЕК-ке, яғни 2 595 000 теңгеге дейін жетуі мүмкін.
Жол-көлік оқиғасына кінәлі жүргізуші үшін айырмашылық айтарлықтай: көлікті жөндеу құны жоғары болған жағдайда өз қалтасынан төленетін сома 2 млн теңгеден асуы ықтимал.
Полицияны шақырмай рәсімдеуге болады
Өнімнің талаптары бойынша жол-көлік оқиғасы Еурохаттаманы қолдану шарттарына сай болуы тиіс.
Оқиғаға тек екі көлік құралы қатысуы керек, зардап шеккен адамдар болмауы тиіс. Екі жүргізушінің де міндетті автосақтандыру полисі болуы және тараптар кінәлі мен зардап шеккен тұлғаны анықтауда өзара келісімге келуі қажет.
Осыдан кейін зардап шеккен тарап Freedom SuperApp қосымшасындағы DTP.kz сервисі арқылы сақтандыру жағдайы туралы өтініш береді.
Жарияланған шарттарға сәйкес, алдымен КҚИ АҚЖМС бойынша 100 АЕК-ке дейін, кейін “Tulpar” шарты бойынша тағы 500 АЕК-ке дейін төлем қарастырылған.
“Tulpar”-ды міндетті сақтандырумен бірге тегін алуға болады
Жаңа сақтандыру өнімінің тағы бір ерекшелігі — оның қазіргі уақытта тегін ұсынылуы.
“Tulpar” АҚЖЕС шартын Freedom SuperApp арқылы міндетті автосақтандыруды өз бетінше рәсімдеген көлік иелері тегін ала алады.
Ұсыныс рефералдық бағдарлама бойынша промокод қолданылған жағдайда жүрмейді.
Яғни жүргізуші міндетті сақтандырумен қатар стандартты төлем жеткіліксіз болған жағдайда қолданылатын қосымша сақтандыру қорғанысын да ала алады.
Жол-көлік оқиғасынан кейінгі шығын азаюы мүмкін
Freedom Insurance жаңа өнімнің бірнеше артықшылығын атап көрсетеді.
Жол-көлік оқиғасын полиция шақырмай-ақ Еурохаттама арқылы рәсімдеуге болады. Зардап шеккен тарапқа сақтандыру төлемін алу үшін полиция құжаттарын күтудің қажеті жоқ.
Компанияның мәліметінше, Еурохаттама арқылы рәсімдеген кезде жүргізуші әкімшілік айыппұл төлемейді, ал «бонус-малус» класы жол-көлік оқиғасын стандартты тәртіппен рәсімдеуге қарағанда аз мөлшерге төмендейді.
Бұл кейін міндетті автосақтандыруды қайта рәсімдеу кезінде де мәнге ие болуы мүмкін, өйткені «бонус-малус» класы жүргізушінің сақтандыру тарихымен байланысты.
Жалпы төлем 2 595 000 теңгеге дейін жетуі мүмкін
Жаңа өнімнің міндетті автосақтандырудан басты айырмашылығы — ықтимал өтемақы көлемінде.
КҚИ АҚЖМС шарты бойынша қарастырылған 432 500 теңгеге дейінгі төлемге “Tulpar” бойынша қосымша сақтандыру қосылса, зардап шеккен тарапқа төленетін жалпы сома 2 595 000 теңгеге дейін жетуі мүмкін.
«Жаңа сақтандыру өнімі жол-көлік оқиғасының салдарын жол полициясын шақырмай-ақ жылдам әрі екі тарап үшін де барынша тиімді шешуге мүмкіндік береді. Зардап шеккен тарап келтірілген шығынның өтемақысын қысқа мерзімде алады, ал жол-көлік оқиғасына кінәлі жүргізуші өз қалтасынан ірі көлемде шығын шығарудан құтылады», — деді “Freedom Insurance” СК” АҚ Өнімдер мен бизнес-процестерді әзірлеу департаментінің директоры Тахмина Амраева.
Бұған дейін DKNews.kz Еурохаттаманың Қазақстандағы жол-көлік оқиғаларын рәсімдеу тәртібін қалай өзгерткенін және жүргізушілерге полиция мен сотсыз мәселені шешуге қалай мүмкіндік беретінін жазған.
