Ағымдағы жылдың басынан бері Қытай елде темір жол салуды белсенді жүргізуді жалғастырды. Бұл туралы сәрсенбіде Қытай мемлекеттік теміржол корпорациясы /China Railway Group Limited/ хабарлады.
Қытай темір жолының негізгі қорларына салынған инвестиция 2024 жылдың қаңтар-қазан айлары аралығында 635,1 млрд юаньға (шамамен 88,2 млрд АҚШ доллары) жетіп, жылдық есептеуде 10,9 пайызға өсті. Бүгінгі таңда Қытайдың жұмыс істеп тұрған темір жолының жалпы ұзындығы 160 мың км-ден асады, оның 46 мың км-і жоғары жылдамдықты темір жолдар.
Темір жол құрылысының соңғы жетістіктерінің қатарында Аньхой провинциясының Сюаньчэн қаласы мен Цзиси уезін /Шығыс Қытай/ байланыстыратын жаңа жоғары жылдамдықты темір жолдың пайдалануға берілуін атап өтуге болады. Елде көптеген жобаларды жүзеге асыру да сенімді түрде алға жылжуда.
Қытай мемлекеттік теміржол корпорациясы ұлттық экономиканы қалпына келтіру қарқынын нығайтуға үлес қосып, өзінің жылдық инвестициялық жоспарын орындайтынын мәлімдеді.
