Қытайда ағымдағы жылдың басынан бері жүзеге асырылып жатқан трейд-ин ауқымды бағдарламасы 5 миллионнан астам көлікке әсер етті. Бұл туралы ҚХР Сауда министрлігі хабарлады. Тұтынушылар биылғы жылдың наурыз айында іске қосылған жалпыұлттық трейд-ин бағдарламасы аясында 2,44 миллионнан астам ескі көлікті кәдеге жаратуға тапсырып, кейіннен жаңаларын сатып алып, 2,59 миллион ескі көлікті жаңасына ауыстырды.
Бұл бағдарлама жабдықтарды жаңарту және халық тұтынатын тауарларға арналған трейд-ин арқылы ішкі сұранысты кеңейтуге және экономиканы ынталандыруға бағытталған.
Ескі көлікті жаңа энергетикалық көлікке ауыстырғандар қазір 20 мың юань (2 781 АҚШ доллары) субсидия ала алады, ал іштен жанатын қозғалтқышы бар көлікке ауыстырғандар 15 мың юань субсидиясына сене алады.
Қараша айында Қытайда кәдеге жаратуға 1,03 млн ескі көлік берілген, бұл жылдық есептеуде 141,6 пайызға өсті. Қаңтар мен қараша аралығында мұндай көліктердің саны 6,88 млн данаға жетіп, бұл өткен жылдың сәйкес кезеңімен салыстырғанда 64,6 пайызға көп.
