Қытай Қытайдың оңтүстік-батысындағы Сычуань провинциясындағы Сичан жерсерікті ұшыру орталығынан орбитаға жаңа деректер жерсерік-ретрансляторын сәтті жіберді, деп хабарлайды Xinhua.
«Tianlian II-05» жерсерігі Бейжің уақытымен сағат 23:54-те «Long March-3В» зымыран тасығышының бортында ұшырылып, жоспарланған орбитаға шықты. Tianlian II-05 – Қытайдың екінші буындағы геосинхронды деректер жерсерік-ретрансляторы.
Жерсерік ғарыш кемелері мен ғарыш станциялары сияқты басқарылатын ғарыш аппараттарына, орташа және төмен жер маңайындағы орбитадағы ресурстық жерсеріктерге деректерді ретрансляциялау, TT&C (телеметрия, қадағалау және басқару) қызметтерін және ғарыш аппараттарын ұшыру кезінде TT&C қолдауын қамтамасыз етпек.
Бұл Long March сериялы зымыран тасығышының 572-ші ұшуы болды.
