Air Astana әуе компаниясы 2 маусымнан бастап Астана–Гуанчжоу бағыты бойынша жаңа тікелей рейсті іске қосуды жоспарлап отыр, деп хабарлайды Xinhua.
Рейстер аптасына екі рет — сейсенбі және бейсенбі күндері Airbus A321LR ұшақтарымен орындалады. Ұшу ұзақтығы Астанадан Гуанчжоуға шамамен 6 сағат 45 минут, кері бағытта 7 сағат 25 минутты құрайды.
Қазақстанның Азаматтық авиация комитетінің мәліметінше, жаңа бағыттың ашылуы Қазақстан мен Қытай арасындағы сауда-экономикалық, іскерлік және туристік ынтымақтастықтың одан әрі дамуына ықпал етеді.
