Қытай жұма күні Сычуань провинциясындағы Сичан ғарыш айлағынан екі жаңа эксперименттік спутникті сәтті ұшырды, деп хабарлайды Xinhua.
«Шиянь-30 03» және «Шиянь-30 04» спутниктері Бейжің уақыты бойынша сағат 06:33-те «Чанчжэн-2D» («Ұлы жорық-2D») зымыран-тасығышының көмегімен ұшырылып, белгіленген орбиталарына сәтті шығарылды.
Бұл спутниктер негізінен Жерді бақылау технологияларын тәжірибелік тексеру үшін пайдаланылатын болады.
Аталған ұшыру «Чанчжэн» («Ұлы жорық») сериясындағы зымыран-тасығыштардың 632-ші ұшырылымы болды.
