Қытайда көгалдандыру жұмыстарының нәтижесінде орман мен жайылым жамылғысының жалпы үлесі 56 пайыздан асты. Бұл туралы Бүкілқытайлық көгалдандыру комитеті жариялаған деректерде айтылды, деп хабарлайды Xinhua.
Бейсенбі күні Қытайда 48-ші Ұлттық ағаш отырғызу күні атап өтілді.
Есепке сәйкес, 2025 жылы елде шамамен 3,56 млн гектар аумақта ағаш отырғызылды, сондай-ақ 4,93 млн гектарға жуық тозған жайылым қалпына келтірілді.
Нәтижесінде елдегі орман жамылғысының деңгейі 25,09 пайызға жетіп, орман қоры шамамен 20,99 млрд текше метрді құрады.
Құжатқа сәйкес, өткен жылы орман және жайылым шаруашылығы саласының жалпы өндіріс көлемі 11 трлн юаньға (шамамен 1,6 трлн АҚШ доллары) жуықтады.
Экологиялық туризм де елде жоғары сұранысқа ие болып отыр. 2025 жылы Қытайда экотуризм бағыттары бойынша 3 млрд-тан астам сапар тіркелді.
