Қытай трансшекаралық сауда рәсімдерін жеңілдету жөніндегі науқан аясында пилоттық қалалар санын 2025 жылғы 25-тен 2026 жылы 45-ке дейін арттырады. Бұл туралы Қытайдың Бас кеден басқармасы хабарлады, деп хабарлайды Xinhua.
Алты айға жоспарланған бұл науқанды Бас кеден басқармасы және тағы 23 ведомство мен департамент бірлесіп іске қосты.
Бас кеден басқармасының басшысы Сунь Мэйцзюньнің айтуынша, жаңартылған тізімге Хух-Хото, Чанчунь, Сучжоу, Цзиньхуа, Цюаньчжоу, Наньчан, Яньтай, Ухань, Чанша, Чжухай, Наньнин, Куньмин және Сиань сияқты 20 қала қосылды.
Науқан аясында тауар саудасын жаңғыртуға, қызметтер саудасын дамытуға, сондай-ақ цифрлық және «жасыл» сауданы ілгерілетуге бағытталған бірқатар жаңа шаралар қабылданады.
Бұл шараларға кедендік бақылау мен басқару саласындағы инновациялар енгізу, сыртқы сауданың жаңа форматтарына қызмет көрсету жүйесін оңтайландыру, трансшекаралық логистиканың тиімділігін арттыру, цифрлық және интеллектуалды өткізу пункттерін дамыту, стандарттау саласындағы өзара байланыстарды күшейту, сондай-ақ кәсіпорындарға кешенді қызмет көрсетуді жетілдіру кіреді.
2018 жылдан бері Бас кеден басқармасы трансшекаралық сауда рәсімдерін жеңілдету бойынша жыл сайын осындай науқандар өткізіп келеді. 2025 жылға дейін жалпы саны 144 шара жарияланған, оның ішінде 110-ы бүкіл ел бойынша енгізілген.
