Дүйсенбі күні таңертең Бейжіңнен ұшып шыққан Air China әуе компаниясының жолаушылар ұшағы Пхеньянға келді. Бұл Қытай мен КХДР астаналары арасындағы жолаушылар әуе қатынасының ресми түрде қайта жанданғанын білдіреді, деп хабарлайды Xinhua.
Қытайдың КХДР-дағы елшісі Ван Яцзюнь және басқа да қытайлық дипломаттар Пхеньяндағы Сунан халықаралық әуежайында рейс жолаушыларын қарсы алды. Ван Яцзюнь қазіргі уақытта екі ел арасында автомобиль, теміржол және әуе қатынастарының қайта жанданғанын атап өтті.
Ол бұл оқиғаны әуе тасымалы саласындағы екіжақты ынтымақтастықтың маңызды кезеңі деп атап, жаңартылған әуе қатынасы адамдардың қозғалысына, сауда-экономикалық ынтымақтастықтың дамуына және мәдени байланыстардың нығаюына ықпал ететінін айтты. Сонымен қатар бұл бағыт Қытай мен КХДР халықтары арасындағы достық байланыстарды одан әрі нығайтатын көпір болатынын атап өтті.
Рейстегі жолаушылардың бірі бұл арнайы рейске қатысу өзі үшін үлкен құрмет екенін айтып, әуе қатынасының қайта жандануы екі ел азаматтарына көбірек саяхат мүмкіндіктерін ұсынатынына сенім білдірді. Оның айтуынша, ұшу сапары жайлы әрі ыңғайлы өтті.
