2026 жылдың бірінші тоқсанында Қытай кәсіпорындарының кредиттік қабілет индексі 162,05 деңгейінде қалып, жалпы алғанда тұрақты әрі оң динамиканы сақтады. Бұл туралы Қытай Халық Республикасының Нарықты реттеу жөніндегі мемлекеттік басқармасы хабарлады.
Көрсеткіш 2025 жылдың төртінші тоқсанымен салыстырғанда 0,13 тармаққа сәл төмен болғанымен, өткен жылдың үшінші тоқсанындағы мәннен 0,39 тармаққа жоғары болды. Ведомство мәліметінше, индекс тарихи тұрғыдан жоғары деңгейде сақталып отыр.
Ағымдағы жылдың наурыз айында индекс 162,26-ға дейін өсіп, ақпанмен салыстырғанда 0,17 тармаққа артты. Сонымен қатар төмен кредиттік тәуекелге ие кәсіпорындардың үлесі де ұлғайды.
Жүйені одан әрі нығайтуға жуырда қабылданған кәсіпорындардың кредиттік жағдайын кешенді бағалау жүйесін қалыптастыру жоспары ықпал ететін болады. Құжат институционалдық негіз құруды және мемлекеттік бағалаудың рөлін күшейтуді, сондай-ақ оны нарықтық тетіктермен ықпалдастыруды көздейді.
