Қытай Грузиямен бірге екі ел арасындағы стратегиялық серіктестікті одан әрі нығайтуды жалғастыруға дайын. Бұл туралы Бүкілқытайлық халық өкілдері жиналысы Тұрақты комитетінің төрағасы Чжао Лэцзи Бейжіңде Грузия парламентінің спикері Шалва Папуашвилимен өткен келіссөздер барысында мәлімдеді.
Чжао Лэцзидің айтуынша, екі ел көшбасшыларының стратегиялық басшылығының арқасында Қытай мен Грузия арасындағы қарым-қатынастар соңғы жылдары серпінді әрі жан-жақты дамып келеді. Қытай жасанды интеллект, цифрлық экономика және «жасыл» энергетика секілді келешегі зор салалардағы ынтымақтастықты кеңейтуді, сондай-ақ қытайлық компанияларды Грузияға инвестиция салып, бизнес жүргізуге ынталандыруды көздеп отыр.
Қытай тарапы гуманитарлық және мәдени алмасуларды тереңдетуге, БҰҰ-ны қоса алғанда халықаралық ұйымдар аясындағы өзара іс-қимылды кеңейтуге және екі елдің заң шығарушы органдары арасындағы ынтымақтастықты нығайтуға дайын екенін білдірді.
Өз кезегінде Шалва Папуашвили Грузияның «бір Қытай» қағидатына адалдығын растады және елінің «Бір белдеу, бір жол» бастамасын бірлесіп жүзеге асыруға белсенді қатысуға дайын екенін мәлімдеді.
Сол күні грузин делегациясымен Бүкілқытайлық саяси консультативтік кеңес ұлттық комитетінің төрағасы Ван Хунин де кездесті. Ол екіжақты ынтымақтастықты одан әрі кеңейтудің, мәдени байланыстарды нығайтудың және халықаралық аренадағы үйлестіруді күшейтудің маңыздылығын атап өтті.
