Гуандун провинциясының Шэньчжэнь қаласында 22-ші Қытай халықаралық мәдени индустриялар жәрмеңкесі ашылды. Бұл іс-шара мәдениет, креативті индустрия және мәдени туризм саласындағы жетістіктерді таныстыратын Қытайдағы ең ірі алаңдардың бірі саналады.
Бес күнге созылатын жәрмеңке онлайн және офлайн форматта 6312 қатысушыны біріктірді. Келушілер назарына 120 мыңнан астам мәдени өнім ұсынылды. Олардың қатарында өнер туындылары, цифрлық контент, инновациялық мультимедиялық жобалар, халық қолөнері бұйымдары мен туристік әзірлемелер бар.
Ұйымдастырушылардың айтуынша, биыл алғаш рет Азия-Тынық мұхиты экономикалық ынтымақтастығы (APEC) экономикаларына арналған арнайы көрме аймағы құрылды. Онда Азия-Тынық мұхиты өңірі елдерінің мәдени туризм, цифрлық мәдениет және креативті индустриялар саласындағы жетістіктері таныстырылуда.
Сарапшылардың пікірінше, мұндай іс-шаралар халықаралық гуманитарлық алмасуды дамытуға, мәдени ынтымақтастықты ынталандыруға және технологиялар мен шығармашылық индустрияларды ықпалдастыруға жаңа мүмкіндіктер ашуға ықпал етеді.
