Қытай спутниктік интернет технологияларын дамытуға арналған жаңа сынақ жерсерігін сәтті ұшырды.
Ұшыру Қытайдың оңтүстік-батысындағы Сычуань провинциясында орналасқан Сичан ғарыш айлағынан Бейжің уақыты бойынша түнгі сағат 02:07-де «Чанчжэн-2D» (Long March-2D) зымыран-тасығышының көмегімен жүзеге асырылды. Жерсерік белгіленген орбитаға сәтті шығарылды.
Ол негізінен спутник пен ұялы телефон арасындағы тікелей кең жолақты байланысты қамтамасыз ету, сондай-ақ жерүсті және ғарыштық желілерді біріктіру технологияларын қоса алғанда, бірқатар жаңа технологияларды сынақтан өткізу және тексеру үшін пайдаланылады.
Бұл «Чанчжэн» сериялы зымыран-тасығыштарының 646-шы ұшырылымы болды.
