Қытайлық автомобиль брендтері Оңтүстік Африка Республикасындағы қатысуын кеңейтуді жалғастыруда. TransUnion компаниясының Mobility Insights есебіне сәйкес, 2026 жылдың бірінші тоқсанында қытайлық автокөліктердің сатылымы өткен жылдың сәйкес кезеңімен салыстырғанда 75 пайызға өсіп, олардың жеңіл және жеңіл коммерциялық көліктер нарығындағы үлесі 20 пайызға жуықтады.
Жылдың алғашқы үш айында елде 114,5 мың жаңа жеңіл және жеңіл коммерциялық автокөлік сатылды. Оның ішінде сатылған әрбір бесінші көлік қытайлық брендке тиесілі болды. Сарапшылар жоғары сұранысты бәсекеге қабілетті бағамен ғана емес, сондай-ақ заманауи технологиялармен, отын үнемділігімен, кеңейтілген кепілдік шарттарымен және гибридті әрі электрлі автомобильдер модельдерінің көбеюімен байланыстырады.
Оңтүстік Африка автокөлік өндірушілерінің ұлттық қауымдастығының (NAAMSA) мәліметінше, қытайлық компаниялар жергілікті нарықтағы қатысуын белсенді түрде кеңейтіп келеді. Chery компаниясынан бөлек, елде GWM, BYD, Geely, GAC, BAIC және MG жаңа модельдерін таныстырды. Бұл нарықтағы бәсекелестікті күшейтіп, қытайлық автомобиль брендтерінің танымалдылығының одан әрі артуына ықпал етуде.
