Қытайдың Шыңжаң-Ұйғыр автономиялық ауданының әкімшілік орталығында 9-шы «Қытай – Еуразия» ЭКСПО-сы өтіп жатыр. Көрме Қытай мен Еуразия елдері арасындағы сауда-экономикалық және инвестициялық ынтымақтастықты нығайтуға бағытталған.
25–29 маусым аралығында өтіп жатқан көрмеге 49 елдің, өңірдің және халықаралық ұйымдардың өкілдері қатысуда. ЭКСПО-да 27 ел мен өңір өздерінің ұлттық павильондарын ұсынды. Ал қытайлық және шетелдік компаниялар мен ұйымдардың жалпы саны 3 мыңнан асты.
Қатысушылар географиясының кеңеюі көрмеге деген халықаралық қызығушылықтың артып келе жатқанын көрсетеді. ЭКСПО Еуразия кеңістігіндегі іскерлік байланыстарды дамытуға, инвестициялық ынтымақтастықты кеңейтуге және бірлескен жобаларды жүзеге асыруға арналған маңызды халықаралық алаңдардың бірі болып қала береді.
