2026 жылдың бірінші жартыжылдығының қорытындысы бойынша Қытайдың қызметтер саудасының көлемі 3,78 трлн юаньға (шамамен 556,6 млрд АҚШ доллары) жетіп, өткен жылдың сәйкес кезеңімен салыстырғанда 8,3 пайызға артты. Бұл туралы Қытайдың Сауда министрлігі хабарлады.
Ірі экспорттық бағыттардың ішінде ең жоғары өсімді туристік қызметтер көрсетті. Бұл сектордың экспорты 31,1 пайызға ұлғайып, 229,2 млрд юаньға жетті.
Ғылымды көп қажет ететін қызметтер саудасының көлемі 6,7 пайызға өсіп, 1,66 трлн юаньды құрады. Бұл қызметтер саудасының жалпы көлемінің 44 пайызына тең. Сонымен қатар зияткерлік меншік объектілерін пайдаланудан түсетін кіріс 44,3 пайызға, ал дербестендірілген мәдени және ойын-сауық қызметтерінің экспорты 57,2 пайызға артты.
Импорт бағыттарының ішінде ең жоғары өсім көлік қызметтері саласында тіркелді. Қаңтар–маусым айларында олардың импорты 498,1 млрд юаньға жетіп, өткен жылдың сәйкес кезеңімен салыстырғанда 30,4 пайызға көбейді.
