Қытай билігі қатты су тасқынынан зардап шеккен провинциялық деңгейдегі сегіз өңірді қолдау үшін табиғи апаттардың салдарын жоюға арналған орталық қордан 330 млн юань (шамамен 48,6 млн АҚШ доллары) бөлді.
Қаржылай көмек Хэйлунцзян, Ляонин, Цзилинь, Сычуань, Гуйчжоу, Юньнань және Шэньси провинцияларына, сондай-ақ орталыққа тікелей бағынатын Чунцин қаласына беріледі. Тиісті шешімді Қытайдың Қаржы министрлігі Төтенше жағдайларды басқару министрлігімен бірлесіп қабылдады.
Шілде айының соңынан бері Қытайда су тасқыны маусымының ең қарқынды кезеңі жалғасуда. Ұзаққа созылған нөсер жауындар су тасқыны мен геологиялық апаттарға себеп болып, адам шығынына, тұрғын үйлердің қирауы мен зақымдануына әкелді.
Бөлінген қаражат авариялық-құтқару жұмыстарын жүргізуге, зардап шеккендерді эвакуациялауға және уақытша орналастыруға, қайталама апаттардың алдын алуға, сондай-ақ бүлінген тұрғын үйлерді қалпына келтіруге жұмсалады. Бұл шаралар табиғи апаттардың салдарын барынша азайтып, зардап шеккен өңірлерді қалпына келтіруді жеделдетуге бағытталған.
