29 сәуірде Парижде өтетін Экономикалық ынтымақтастық жөніндегі Қазақстан-француз Үкіметаралық комиссиясының кезекті отырысы қарсаңында, сондай-ақ келесі айда Францияның Сыртқы сауда министрі Франк Риестердің бірқатар француз компанияларының басшыларымен бірге Қазақстанға сапары қарсаңында бейнеконференция режимінде Іскерлік кеңестің кезекті отырысы өтті. Пәндік диалог барысында тараптар цифрландыру, ауыл шаруашылығы және АӨК, баламалы энергетика сияқты басым салаларда инвестициялық ынтымақтастықты тереңдетудің өзекті мәселелерін талқылады, - деп хабарлайды Деловой Казақстан.
«KAZAKH INVEST» ҰК» АҚ және «MEDEF INTERNATIONAL» француз кәсіпкерлері қауымдастығының қолдауымен виртуалды алаңда екі елдің бизнес-қоғамдастықтарының, мемлекеттік органдар мен квазимемлекеттік сектор субъектілерінің атынан жүзден астам қатысушы жиналды. Француз делегациясының құрамына «Air Liquide», «Orano», «Total Eren», «Vicat», «Thales», «Idemia», «ADP Ingénierie» сияқты әлемге әйгілі компаниялардың басшылары, сондай-ақ «BPI France» және «ADEPTA» бизнеске жәрдемдесу институттары кірді.
Іскерлік кеңестің тең төрағалары Айдан Кәрібжанов пен Ив-Луи Дарикарер құттықтау сөз сөйледі.
Өз кезегінде, «KAZAKH INVEST» ҰК» АҚ Басқарушы директоры Жандос Темірғали 2020 жылы елдер арасындағы тауар айналымы мен инвестициялық ағынның төмендеуіне әкелген пандемияға қарамастан, іскерлік белсенділікті қалпына келтіру және екі жақты экономикалық көрсеткіштерді жақын болашақта дағдарысқа дейінгі деңгейге қайтару үшін барынша күш салынғанын атап өтті. «Бұл жаңа инвестициялық жобаларды іске асыруда белгілі бір прогреске және нақты нәтижеге айтарлықтай ықпал етті», - деді ол.
ҚР Индустрия және инфрақұрылымдық даму Вице-министрі Руслан Баймишев елдер арасындағы экономикалық өзара іс-қимылға шолу жасады, ал ҚР ЦДҚАӨМ цифрлық трансформация департаментінің директоры Назгүл Бажаева мен «Бәйтерек» ҰБХ» АҚ Басқарушы директоры Мұрат Дәрібаев отырысқа қатысушыларды мемлекеттік қызметтерді және агроөнеркәсіптік кешенді цифрландыруды дамытудағы Қазақстанның жетістіктерімен таныстырды.
Таныстырылымдардың нәтижелері бойынша пікірталастар ұйымдастырылып, олардың барысында француз компаниялары Қазақстандағы инвестициялық қызметтің мүмкіндіктеріне белсенді қызығушылық танытып, жан-жақты жауаптар алды. Сонымен қатар, тараптар екіжақты ынтымақтастықты одан әрі дамытудың кең ауқымды мәселелері бойынша пікір алмасты.
Іс-шараны қорытындылай келе, Қазақстанның Франциядағы Елшісі Жан Ғалиев өзінің дамуының екінші онжылдық кезеңіне енген Қазақстан-француз стратегиялық әріптестігінің институционалдық құралдарының бірі ретінде Іскерлік кеңес арқылы өзара іс-қимылды жандандырудың маңыздылығын атап өтті. Алдағы жоғары деңгейдегі кездесулерді дайындау тұрғысында ол барлық мүдделі тараптарды өзара қызығушылық тудыратын салалардағы экономикалық ынтымақтастықты кеңейтуге қатысуға және оның контентін қалыптастыруға ықпал етуге шақырды.
