Мамыр айының соңында "Әлеуметтік талдау орталығы" ҚҚ Азаматтық бастамаларды қолдау орталығының қатысуымен іске асырылатын "Қазақстанның ҮЕҰ арасында әлеуметтік кәсіпкерлікті ынталандыру және танымал ету" Республикалық жобасы шеңберінде әлеуметтік кәсіпкерлер арасында шағын гранттар конкурсын қорытындылады, - деп хабарлайды Деловой Қазақстан.
Шағын гранттар конкурсының қорытындысы бойынша еліміздің 20 ҮЕҰ әлеуметтік-кәсіпкерлік идеяларды іске асыруға 500 мың теңгеден гранттар ұтып алды.
Конкурс жеңімпаздарының бірі Ақмола облысы Атбасар қаласынан "Ангел" қоғамдық бірлестігі. Олар "Біз экосөмкелер тігеміз" жобасын іске асыратын болады.
"Біздің қызмет бағыттарарымыздың бірі экология болып табылады. Бірнеше жыл бойы біз Атбасар қаласында экологиялық волонтерлік қозғалысын дамыта отырып, оқушылар мен жастарды жұмысқа тарта отырып, полиэтилен пакеттерден бас тарту бойынша белсенді науқан жүргізіп келеміз", - дейді "Ангел"ҚБ.
ҮЕҰ 20 жылдан астам жұмыс істейді, көптеген әлеуметтік жобалар іске асырылды, жергілікті қоғамдастықтың көптеген проблемалары шешілді. Бірақ ҮЕҰ қызметінің тұрақтылығы тек жобалардың болуына және ұйым мүшелерінің үлесіне ғана емес, сонымен қатар тұрақты қаржыландыруға да байланысты. Сондықтан ұйым өз базасында әлеуметтік кәсіпорынды дамыту туралы ойлана бастады.
"Атбасарда өнеркәсіп жоқ, жұмыссыздық деңгейі жоғары, бірақ колледж бар, онда қыздарды шаштараз, аспаз, тігінші мамандықтарына оқытады. Алайда, қолында дипломы бар қыздардың көпшілігі жұмыссыздар қатарын толтыруда. Өйткені бастапқы капиталсыз өз бизнесіңізді бастау және тәжірибе алу қиын , ал тәжірибесіз клиенттік базаны жинау және табысты болу оңай емес", - деп бөліседі "Ангел"ҚБ.
Әлеуметтік-кәсіпкерлік бастамаларды іске асыру шеңберінде ұйымдастырушылар қыздарға тігін тәжірибесін алуды және өндірістік практика шеңберінде экосөмкелерді тігу бойынша тігін шеберханасында табыс табуды ұсынады, онда кәсіптік бағдар беру үшін жағдайлардан басқа, көшбасшылық қасиеттерді дамытуға көңіл бөлінеді. Ал экосөмкелерді тігу арқылы жоба тағы бір маңызды міндет - полиэтилен пакеттермен қоршаған ортаның ластануын азайтуға үлес қосу.
