2020 жылдың 16-20 қаңтар аралығында ШҚО-да Ұлттық бірыңғай тестілеудің өтуі жоспарлануда.
Емтихан барысында ашықтық пен айқындылықты, адалдықты қамтамасыз ету мақсатында бақылаушылар ретінде ҚР Сыбайлас жемқорлыққа қарсы іс-қимыл агенттігі (Сыбайлас жемқорлыққа қарсы қызмет) жанындағы облыстың арнайы мониторингтік тобының мүшелері және «Шығыс – Адалдық Алаңы» жобалық кеңсесінің менеджерлері, сондай-ақ сыбайлас жемқорлыққа қарсы қызметтің қызметкерлері қатысады.
Тестілеу 5 күн ішінде Өскемен қаласында С.Аманжолов атындағы ШҚМУ базасында, сондай-ақ облыс аудандарында (Күршім, Үржар, Аягөз, Зайсан, Жарма, Катонқарағай, Тарбағатай, Көкпекті аудандары және Семей қаласы) өтеді.
Сыбайлас жемқорлыққа қарсы қызмет жұртшылықпен бірге парасаттылық пен адалдық қағидаттарын қалыптастыру бойынша бірлескен жұмыстарды жалғастыруда.
