ҚР Индустрия және инфрақұрылымдық даму министрі Қайырбек Өскенбаев Еуразиялық экономикалық комиссияның Энергетика және инфрақұрылым жөніндегі Алқа мүшесі (министрі) Арзыбек Кожошевпен кездесті, деп хабарлайды Деловой Қазақстан.
Кездесу барысында ҚР ИИДМ басшысы Арзыбек Кожошевті жаңа лауазымды қызметке тағайындалуымен құттықтады.
Сонымен қатар тараптар Еуразиялық экономикалық одаққа мүше-мемлекеттердің транспорттық ынтымақтастығын арттырудағы маңызды мәселелерді талқылады. Бұдан өзге аталған ұйым шеңберінде көлік-логистикалық кешенін дамыту тетіктері де назарға алынды.
Кездесу соңында басқосуға қатысушылар транспорт және инфрақұрылым саласындағы өзара ынтымақтастықты нығайта беруге уағдаласты.