Нұрлан Нығматулин мемлекеттік марапаттарды табыс етті

10954

Тәуелсіздік күні қарсаңында Мәжіліс Төрағасы Нұрлан Нығматулин депутаттарға және Аппарат қызметкерлеріне Президент Жарлығымен берілген мемлекеттік марапаттарды тапсырды.

Нұрлан Нығматулин Тәуелсіздік күнінің барлық қазақстандықтар үшін маңыздылығы, еліміздің осы жылдардағы жетістіктері туралы айтып:

-Тұңғыш Президентіміз, Елбасы Нұрсұлтан Әбішұлы Назарбаевтың кемел саясатының арқасында бүкіл әлемге жедел дамушы ел ретінде танымал болдық. Заманға сай білімді, рухты ұрпақтарымыз өсіп келеді, - деді.



Сондай-ақ, Палата Спикері Қазақстанымыз дүниежүзінің саясаткерлері, өркениетті ел басшылары, әлемдік қайраткерлер бас қосатын сыйлы шаңыраққа айналғанын, бүгінгі күні Мемлекет Басшысы Қасым-Жомарт Кемелұлы Тоқаев осы толағай табыстарымызды сақтап, стратегиялық даму бағытын одан әрі жалғастырып жатқанына назар аударды.

Нұрлан Нығматулин депутаттық корпустың елімізді одан әрі жаңғырту бойынша Елбасы мен Мемлекет Басшысы қойған барлық міндеттердің орындалуын заңнамалық тұрғыдан қамтамасыз ету үшін қазіргі күрделі жағдайда жұмыстың жаңа нысандары мен механизмдерін енгізгенін атап өтті.

 Мемлекеттік және қоғамдық қызметі үшін, еліміздің әлеуметтік-экономикалық және мәдени дамуына, халықтар арасындағы ынтымақтастық пен достықты нығайтуға қосқан елеулі үлесі үшін ІІІ дәрежелі «Барыс» ордені Мәжіліс депутаты Омархан Оксикбаевқа берілсе, «Парасат» ордені Жексенбай Дүйсебаевқа және Дания Еспаеваға табыс етілді. «Құрмет» орденіне  Жамбыл Ахметбеков ие болды. Ал, «Ерен еңбегі үшін» мемлекеттік медалі Аппарат қызметкерлері Нариман Әлғожинге, Ботагөз Ботабаеваға және  Клара Мәутенбаеваға берілді.

Қазақстан Республикасының Құрмет грамотасы Аппарат қызметкерлері Айтбек Әліпов, Айгерім Нұржанова және Татьяна Сыздықоваға табысталды.

Сонымен қатар Мәжіліс Төрағасы ТМД Парламентаралық Ассамблеясының «Достық» орденін Бас прокурордың орынбасары Марат Ахметжановқа, ТМД Парламентаралық Ассамблеясының «Парламентаралық ынтымақтастықты нығайту үшін» медалі Әділет министрі Марат Бекетаевқа және Мәжіліс депутаты Сергей Звольскийге берілді. ТМД Парламентаралық Ассамблеясының Құрмет грамоталарын Әбдіманап Бектұрғанов пен Мұхтар Ерман алды.

Іс-шара барысында Палата Спикері Нұрлан Нығматулин заң жобаларымен тиімді жұмыс істеу және парламентаралық байланыстарды кеңейту үшін мемлекеттік органдар өкілдерінің депутаттық корпуспен өзара іс-қимылының маңыздылығын атап өтті.

Сондай-ақ, Мемлекет Басшысының Жарлығымен Қазақстан Республикасының Абай атындағы әдебиет пен өнер саласындағы мемлекеттік сыйлығына Мәжіліс депутаты Сауытбек Абдрахманов  «Абыз Әбіш» зерттеуі үшін ие болды.


Суретті түсірген Ж.Құспанов

Телеграм-канал «Нефть и Газ Казахстана. Факты и комментарии». Ежедневные новости с краткими комментариями. Бесплатная подписка.

Международное информационное агентство «DKNews» зарегистрировано в Министерстве культуры и информации Республики Казахстан. Свидетельство о постановке на учет № 10484-АА выдано 20 января 2010 года.

Тема
Обновление
МИА «DKNews» © 2006 -