Қазақстанның Әмірліктердегі Елшісі Нажмедин Мұхаметәліұлы Біріккен Араб Әмірліктерінің Энергетика және инфрақұрылым министрі Сухейл әл-Мазруимен кездесті, деп хабарлайды DKnews.kz.
Кездесу барысында тараптар екі ел арасындағы үкіметаралық стратегиялық инвестициялық жобаларды құру туралы бірлескен декларацияның жүзеге асу барысы, сондай-ақ елдер арасындағы сауда-экономикалық, инвестициялық ынтымақтастық мәселелері талқыланды.
Қазақстандық дипломат Әмірліктермен жаңартылатын энергия көздері, транспорт, логистика, жасанды интеллект, білім беру және т.б. салаларда жүзеге асып жатқан инвестициялық жобалардың маңыздылығын атап өтті.
Өз кезегінде С. әл-Мазруи Қазақстанмен сауда-экономикалық және инвестициялық ықпалдастықты одан әрі дамытуға мүдделігін растады.
Тараптар екіжақты ынтымақтастықты одан әрі дамыту мақсатында бірлесіп жұмысты жалғастыру жөнінде уағдаластыққа қол жеткізді.