Қазақстан Түркияның өнеркәсіптік өңірлерімен іскерлік көпір салуда, деп хабарлайды DKnews.kz.
Қазақстанның Анталиядағы Бас консулы Қуат Канафеев Кония және Нигде провинцияларына жұмыс сапарымен барды. Сапар бағдарламасы мемлекеттік органдардың, бизнес-қауымдастықтардың және білім беру мекемелерінің өкілдерімен кездесулерді қамтыды.
Конияға сапарының ресми бөлігі аясында Қ. Канафеев Провинция губернаторы Ибрагим Акынмен және Полиция басшысы Мақсұт Юксекпен кездесті. Селчук университетіне де сапар жасалып, Ректор, профессор Хусейн Йылмаз және қазақстандық студенттермен кездесу өтті.
Сонымен қатар Бас консул провинцияның Өнеркәсіптік және Сауда палаталарының басшылығымен келіссөздер жүргізді. Екіжақты экономикалық ынтымақтастықты дамыту, бірлескен жобаларды жүзеге асыру және іскерлік байланыстарды кеңейту мәселелері талқыланды. Ауыл шаруашылығы машина жасау және тамақ өнеркәсібі салаларындағы ынтымақтастық перспективаларына ерекше назар аударылды. Бұдан басқа, «Özduman Tarım Makinaları» және «Beşel Gıda» кәсіпорындарына барды.
Бас консул Нигдеде губернатор Джахит Челик, қаланың Әкімі Эмрах Өздемир және Полиция басшысы Йылмаз Деленмен келіссөздер жүргізді. Ректор Хасан Услу және қазақстандық студенттермен кездесу өтті. Сапар Нигде қаласына жақын орналасқан Алтай қазақ ауылына барумен аяқталды.
Қазақ дипломатының жұмыс сапары Қазақстан мен Түркияның өңіраралық ынтымақтастығын нығайту, гуманитарлық және экономикалық байланыстарды кеңейту, сондай-ақ Түркияның орталық бөлігінде тұратын отандастар мен қандастарды қолдаудағы маңызды қадам болды.
