Түрік ынтымақтастық және үйлестіру агенттігі Қазақстанмен ынтымақтастықты кеңейтуге ниетті, деп хабарлайды DKNews.kz.
Қазақстанның Түркиядағы Елшісі Еркебұлан Сәпиев Түрік ынтымақтастық және үйлестіру агенттігінің басшысы («TIKA») Абдулла Еренмен кездесті.
Кездесуде екіжақты ынтымақтастық мәселелері талқыланып, өзара іс-қимылды ілгерілету бойынша нақты қадамдар белгіленді.
А. Ерен «TIKA»-ның атқарып жатқан қызметтері, оның ішінде Қазақстанда жүргізіліп жатқан жұмыстарымен таныстырып, агенттіктің «KazAid» халықаралық даму агенттігімен ортақ жобалар жүзеге асыруға ниетін білдірді.
Өз кезегінде, Е. Сәпиев «TIKA»-ның еліміздегі белсенді қызметін атап өтіп, ғылым, білім беру және денсаулық сақтау салаларындағы жобалардың маңыздылығына тоқталды. Сондай-ақ, Қазақстан мен Түркия үшінші елдерде бірлескен жұмыстарды жүргізу мүмкіндіктеріне назар аударды.
Тараптар талқыланған бағыттар бойынша ортақтасқан жұмысты жүйелі негізде жалғастыруға уағдаласты.
