2023 жылдың 8 маусымы сағат 00:00-де елорданың «Есіл» ауданында қызмет атқарып жүрген жасақ бастығы – кіші сержант Зархан Сапарқұл, қатардағы жауынгерлер Сабыр Махат және Рамазан Сансызбаев Адырна көшесіндегі 25-үйдің қоршауына жасырылған полиэтилен орамдарын алғалы жатқан З. және А. есімді азаматтарды ұстады. Белгілі болғандай, олар ақ түсті ұнтақ зат түйіншектелген 3 дана ораманы алуға келген, деп хабарлайды DKNews.kz.
Бұдан әрі жедел-тергеу тобы шақырылды. Полиция қызметкерлері ұсталғандарды «Есіл» аудандық полиция басқармасына ҚР ҚК 296-бабы 2-бөлігі (өткізу мақсатынсыз есірткі заттарымен, психотроптық заттармен, олардың аналогтарымен заңсыз жұмыс істеу) бойынша тергеу үшін жеткізді.
