1990 жылы желтоқсанда БҰҰ Бас Ассамблеясының 45-ші сессиясында Қарттар күні жарияланды және 1 қазанда бүкіл әлемде тойлана бастады, деп хабарлайды DKNews.kz.
Қазақстанда атаулы күн ресми мерекелер тізіміне енгізіліп, жыл сайын атап өтіледі. Осы айтулы күні қарттарға арналған түрлі іс-шаралар өткізіледі.
Мысалы, 5571 Ұлттық ұланның Алматы әскери бөлімінде - әйелдер кеңесі мен Ардагерлер кеңесі қарттарға баруды ұйымдастырды. Оларға жедел бригада командирі полковник Бақдәулет Оспанбековтың атынан алғыс хаттар, сондай-ақ азық-түлік жиынтығы табыс етілді.
Алматы әскери бөлімінің жеке құрамы барлық қарттар мен әскер ардагерлеріне зор денсаулық, ұзақ өмір және бақытты күндер тілейді.
