12 мамырда Халықаралық мейіргер күні атап өтілуде, деп хабарлайды DKNews.kz.
Денсаулық сақтау министрлігінің деректері бойынша Қазақстанда медициналық ұйымдарда 190 мыңнан астам орта медицина қызметкері жұмыс істейді. Оның ішінде ауылда - 54 мыңнан астамы жұмыс ісуде.
Олардың денсаулық сақтау саласының бастапқы секторындағы рөлі баға жетпес: науқастарға барлық қамқорлықтың 80%-ы мейіргерлерге жүктеледі.
Мейіргерлер, әсіресе ауылдық жерлерде жұмыс істейтіндер, жаңа туған нәрестелерден бастап қарттарға күтім жасауға дейінгі медициналық көмектің толық спектрін қамтамасыз ете отырып, тұрғындардың денсаулығына үлкен жауапкершілік жүктейді.
Денсаулық сақтау министрі Ақмарал Әлназарова мейіргерлердің кәсіби мерекесімен құттықтады.
"Мейіргерлер Қазақстанның денсаулық сақтау жүйесіндегі ең көп кәсіби топтардың бірін құрайды. Уақыт талаптарына сәйкес орта медицина қызметкерлерінің емдеу процесіне қатысуы артып келеді, пациенттің денсаулығы үшін кәсіби жауапкершілік сияқты функционал кеңеюде. Барлық мейіргерлерімізді кәсіби мерекелерімен құттықтаймын! Сіздердің күнделікті еңбектеріңіз бен шыдамдылықтарыңыздың, қайырымдылықтарыңыздың және көп жылдық тәжірибелеріңіздің арқасында пациенттердің денсаулығы қалпына келуде" Ақмарал Әлназарова
Кәсіби мереке қарсаңында Қазақстанның мейіргер ісінің 350-ден астам үздік маманы ведомстволық наградалармен: "Еңбек ардагері" медалімен, "Денсаулық сақтау ісінің үздігі", "Денсаулық сақтау ісіне қосқан үлесі үшін" төсбелгілерімен, құрмет грамоталарымен және алғыс хаттармен марапатталды.
