4 қазан - Қазақстан Республикасы Қарулы Күштерінің Зымыран әскерлері мен артиллерия күні. Осыған орай Аягөз гарнизоны 10181 артиллериялық әскери бөлімінің жеке құрамы саптық алаңда атаулы күнді салтанатты түрде атап өтті, деп хабарлайды DKnews.kz.
Осындай айтулы күн аясында Аягөздік артиллерия құрамасының басшылығыда өз бағынысындағы жеке құрамды сап алдында құттықтап, қызмет барысында өздерін жақсы жағынан көрсеткен әскери қызметшілерді мақтау қағаздарымен марапаттады.
Мерекелік шараға арнайы келген Қарулы Күштер ардагерлерімен гарнизондағы әскери бөлім командирлері жеке құрам алдында құттықтау сөз сөйлеп, өз ақ тілектерін білдірді.
"Бүгінгі кәсіби мерекеміз сапта тұрған әр жауынгерге ерекше көңіл беретініне сенімдімін. Себебі бұл нағыз артиллеристтердің мерекесі. Осы мереке аясында баршаңызды құттықтап, еңбектеріңізге табыс тілеймін" 10181 әскери бөлім командирінің міндетін уақытша атқарушы подполковник Бауыржан Назымбеков
