Ұлттық ұланның «Шығыс» өңірлік қолбасшылығына қарасты 3514 әскери бөлімінің материалдық және техникалық қамтамасыз ету ротасының сарбаздары Курчатов қаласындағы тілдерді оқыту орталығында қонақта болды, деп хабарлайды DKnews.kz.
Оқыту орталығының мамандары Ұлттық ұлан жауынгерлеріне түрлі сұрақтар мен сауат арттыратын ойындар әзірлеп қойыпты. Шара мақсаты жас ұрпақ арасында отансүйгіштік сезімді нығайту сонымен қатар Отанға деген құрметпен сүйіспеншілікті арттыру болып саналды. Оқыту орталығының мамандары ұландықтармен сондай-ақ әдістемелік жұмыстар жүргізіп, ғылым мен педагогикалық озат тәжірибе жетістіктеріне және қазіргі заманауи оқу үдерісі жайынан хабардар етті.
Сонымен қатар, олар әрбір сарбаздың оқу біліктілігін, шеберлігін жан - жақты арттыруға бағытталған шаралардың іске асуына ұйытқы болып, бір уақыт жауынгерлік қызметтен бойларын сергітті.
"Мен бүгінгі шарадан мол тағылым алдым. Қаладағы бұл орталық мемлекеттік тілдің мәртебесін арттыруға, оның қоғамдағы орны мен маңыздылығын күшейтуге өзіндік үлесін қосып, тілдерді оқытуға бағытталған іс-шараларды белсенді ұйымдастырады. Естуімше, 3514 әскери бөлімінің әскери қызметшілерімен орталық тығыз қарым-қатынаста екен. Мен бүгінгі шарадан мол тәжірибе жинадым" 3514 әскери бөлімінің қатардағы жауынгері Мерғалым Ермеков
Курчатов қаласындағы тілдерді оқыту орталығының мамандары Ұлттық ұлан жауынгерлері үшін есігіміз әрдайым айқара ашық екендігін алға тартады.
Орталық құрылған сәттен бастап әскери қызметшілерге ерекше назар аударып келеді. Әр жылдары орталық оқытушылары ұландықтардың тікелей қатысуымен жүзден аса іс-шара ұйымдастырыпты. “Мен өз елімнің патриотымын” атты бүгінгі шара кешегі тәлімге толы істердің жалғасы іспетті. Аталмыш кеште Қазақстанның тарихы, мәдениеті, тілі мен дәстүрлерін насихатталды. Сайыс барысында қойылған сұрақтарға қызығушылық таныта отырып, жылдам әрі дөп жауап таба білді. Әрбір ұландық аянып қалмай, өздерінің патриоттық сезімдерін және өз еліне деген сүйіспеншілігін көрсетуге тырысты. Байқау соңында жеңімпаздар алғыс хатпен және сыйлықтар табысталды.
