Көкшетау қаласының әкімі Әнуар Күмпекеев Ұлттық ұланның «Орталық» өңірлік қолбасшылығына қарасты 5510 әскери бөлімінде болды, деп хабарлайды DKnews.kz.
Арнайы іс-сапар барысында қала әкімі шаһардың қауіпсіздігі мен тыныштығына жауапты әскери бөлімнің жауынгерлік қызметімен, оқу–материалдық базасымен және тұрмыс тіршілігімен танысты.
Қала әкімін әскери бөлім командирі полковник Берік Қожахметов қарсы алды. Өз кезегінде Әнуар Қайыргелдіұлы әскери қалашық аумағын аралау барысында аумақтың жай-күйіне, жасыл желектерге, сондай-ақ спорт алаңдары мен демалыс орындарының болуына назар аударды. Ол әскери қызметшілер мен олардың отбасыларына жайлы жағдай жасаудың маңызды екенін атап өтті.
Бұл кездесу Көкшетауда орналасқан құқықтық тәртіп әскерінің әскери бөлімін дамытудың маңыздылығын аңғартады. Мұндай сапарлар әскери бөлім мен әкімдік арасындағы байланысты нығайтуға көмектеседі. Бұл дегеніміз екі жақты қажеттіліктер мен мәселелерді бағалауға және оларды шешу жолын қарастыруға мүмкіндік береді.
