Астана тыл еңбеккерлерін Жеңіске қосқан үлестері үшін құттықтады

3179
Фотосурет: Gov

Елорданың Достық үйі Ұлы Отан соғысындағы Жеңістің 80 жылдығына орай «Мейірімділік пен естелік эстафетасы» акциясын ұйымдастырды, деп хабарлайды Астана әкімдігінің ресми сайты.

Іс-шара аясында тыл еңбеккерлерін алдағы мерекемен құттықтап, Жеңіс жолында қосқан үлестері үшін алғыс білдіріп, 30 азық-түлік себетін табыс етті, деп хабарлайды DKnews.kz.

Акцияға елордалық ҚХА ақсақалдар кеңесінің төрағасы мен мүшесі Бақытжан Ерсаев, Владимир Божко, қалалық ҚХА мүшелері мен жастары, Астана әкімдігінің өкілдері, сондай-ақ «Қоғамдық келісім» КММ басшылығы мен қызметкерлері қатысты.

Акцияға қатысушылар еңбек ардагерлерінің үйін аралап, оларға естелік сыйлықтар табыстады.

«Осы акцияның қатысушыларына арнайы құттықтап келіп, сыйлықтар табыс еткені үшін алғыс айтамыз. Бүгінгідей керемет көңіл-күйде патриоттық әндер есіме түсіп отыр. Баршаңызды Ұлы Отан соғысындағы Жеңіс күнімен, мерекенің 80 жылдығымен құттықтаймын! Сіздерге денсаулық, игілік, өмірде сәттілік және ел игілігі жолында атқаратын жұмыстарыңызға үлкен күш тілеймін!» — деді тыл еңбеккері Надежда Кириленко.

Іс-шара өз өмірін құрбандыққа тігіп, еңбегімен Жеңісті жақындатқандарға тарихи естелік пен құрметтің маңыздылығын еске салды.

«Біз тарихқа, яғни бізге бейбіт өмір сыйлап кеткен ата-бабаларымыздың рухына тағзым етеміз. Бүгін жастармен бірлесіп, еңбек ардагерлерін келе жатқан мерекемен құттықтадық. Елордалық ҚХА-ның жастары аға буынмен бірге осындай акцияларға белсенді қатысқаны қуантады. Бұл – еліміздің болашағы үшін үлгі боларлық іс», — деп атап өтті Бақытжан Ертаев.

«DKnews.kz» халықаралық ақпараттық агенттігі Қазақстан Республикасының Мәдениет және ақпарат министрлігінде тіркелген. Есепке қою туралы куәлік № 10484-АА 2010 жылдың 20 қаңтарында берілді.

Тақырып
Жаңарту
МИА «DKnews.kz» © 2006 -