2025–2026 жылдардың қыс маусымына дайындық аясында ауыл шаруашылығы жануарларына арналған мал азығын дайындау жұмыстары белсенді түрде жалғасуда, деп хабарлайды DKNews.kz.
Жергілікті атқарушы органдардың мәліметінше, 21,5 млн тонна шөп (жоспардың 88,1%-ы), 1,7 млн тонна сүрлем (101,4%), 1 млн тонна құрамажем (19,1%), 1,6 млн тонна сабан (33,1%) дайындалған.
Белсенді жұмыс Солтүстік Қазақстан облысында (115,2%), Ақмола облысы мен Шымкент қаласында (100%), Жетісу облысында (99,5%), Қостанай облысында (97,7%) байқалады.
Азық дайындаудың көрсетілген көлемі ауыл шаруашылығы жануарларын толыққанды азықтандыруға, жоспарланған өнім көлемі мен төл алуына, сондай-ақ мал басының сақталуына мүмкіндік береді.
Жалпы республика бойынша мал азығымен қамтамасыз ету жағдайы тұрақты.
