Қытай (Нинся) екінші халықаралық шарап мәдениеті және туризм көрмесінің ашылу рәсімі сәрсенбі күні Нинся-Хуэй автономиялық ауданының (Солтүстік-Батыс Қытай) астанасы Инчуань қаласында өтті.
12 қыркүйекке дейін жалғасатын көрме халықаралық шарап байқауын, шарап сауда-саттық жәрмеңкесін және шарап өндірісі, мәдениет және туризм бойынша форумдарды қамтиды. Ұйымдастырушының айтуынша, шарап байқауына 16 елдің 43 өндіруші аймағынан 797 шарап түрі қатысады, бұл өткен жылмен салыстырғанда 25 пайызға артық.
Көрмеде шарап зауытының құрылысы, мәдениет пен туризм, шарап сатуды қамтитын жалпы сомасы 17,3 млрд юань (шамамен 2,5 млрд АҚШ доллары) болатын 54 ынтымақтастық жобасына қол қойылды. Былтырғы шілдеде аймақты Қытайдың Бордо аймағына айналдыру мақсатында Қытайда осындай бірінші болып табылатын Ұлттық кешенді жүзім және шарап өнеркәсібін ашық дамыту эксперименттік аймағы құрылды. 2021 жылы Нинсядағы жүзім алқабы 35 000 гектарға жетті, бұл Қытайдың жалпы жүзім алқабының үштен біріне дерлік. Аймақта жылдық өнімділігі 130 миллион бөтелке болатын 116 шарап зауыты салынды. Тағы 112 шарап зауытының құрылысы жүріп жатыр.
