Бейсенбі күні қытайлық Meituan электрондық коммерция платформасы осы жылдың бірінші тоқсанында 3,59 млрд юань (шамамен 509 млн АҚШ доллары) операциялық пайда алғанын хабарлады.
Компанияның аудиттелмеген қаржылық нәтижелеріне сәйкес, алғашқы үш айда жалпы операциялық кіріс жылдық есеппен салыстырғанда 26,7 пайызға өсіп, 58,6 млрд юаньға жетті.
Қаржылық есеп осы кезеңде Meituan Қытайдың тұтыну нарығына, сондай-ақ технологиялық зерттеулер мен әзірлемелерге (ҒЗТКЖ) инвестициясын арттыруды жалғастырып, ҒЗТКЖ шығындары 5 млрд юаньға дейін өскенін көрсетті. Қаңтар-наурыз айларында негізгі жергілікті саудадан түскен түсім 42,9 млрд юаньға жетіп, өткен жылмен салыстырғанда 25,5%-ға өсті.
«Тоқсан ішінде компания жергілікті тұтынудың айтарлықтай қалпына келуі арқасында өзінің барлық бөлімшелерінде едәүір өсім көрсетті», - деді Ван Син, Meituan бас директоры.
