Қазан айында Қытайдың тұтыну нарығында неғұрлым жылдам өсім байқалды, өйткені елдің трейд-ин схемасы бойынша ескі тауарды жаңасына ауыстыру ұлттық бағдарламасының арқасында тұрмыстық техника, жиһаз және автокөліктердің сатылымы жоғары болды.
2024 жылдың қазан айында Қытайдың тұтыну тауарларының бөлшек сауда көлемі жылдық есептеуде 4,8 пайызға өсті, ал қыркүйекте бұл көрсеткіштің өсу қарқыны 3,2 пайызды құрады, деп хабарлады жұма күні ҚХР Мемлекеттік статистика басқармасы (МСБ).
Атап айтқанда, тұрмыстық техника мен аудиовизуалды техниканың сатылымы жылдық мәнде 39,2 пайызға күрт өсті, ал мәдениет саласының өнімдері мен кеңсе тауарлары – 18 пайызға. Жиһаздар мен автокөліктердің сатылымы да тиісінше 7,4 пайызға және 3,7 пайызға өсті.
Мәліметтер сондай-ақ осы жылдың он айында тұтыну тауарларының бөлшек саудасы жылдық есептеуде 3,5 пайызға өскенін көрсетеді, бұл қаңтар-қыркүйекпен салыстырғанда 0,2 пайыздық тармаққа жоғары.
