Бейжіңде жексенбі күні ашылған 2025 жылғы Халықаралық іргелі ғылым конгресіне (ICBS) әлемнің түкпір-түкпірінен 1000-ға жуық сарапшы, ғалым мен студент жиналды, деп хабарлайды Xinhua.
Екі апта бойы олар математика, физика, информатика және инженерия саласындағы соңғы жетістіктер туралы терең пікір алмасып, іргелі ғылымдардың даму перспективаларын талқылайды.
Қатысушылар қатарында төрт Филдс сыйлығының лауреаты, үш Нобель сыйлығының лауреаты және екі Тьюринг сыйлығының лауреаты, соның ішінде Цю Чэнтун (Яу Шинтун) және Эндрю Яо Цичжи бар.
Конгрестің ашылу рәсімінде алты көрнекті ғалым - Сэмюэл К.К. Тинг, Стивен Чу, Дэвид Гросс, Роберт Тарьян, Сигэфуми Мори және Джордж Люстиг 2025 жылғы «іргелі ғылымдағы өмірлік жетістіктері үшін» сыйлығына ие болды, бұл осы саладағы ең жоғары марапат және алушының іргелі ғылымға тұрақты әсерін мойындау.
ICBS президенті және Fields сыйлығының иегері Цю Чэнтун өзінің ашылу сөзінде соңғы жылдардағы математика, физика және информатика саласындағы жетістіктерге назар аударды. Теориялық серпілістер мен технологиялық инновацияларға негізделген жаңа дәуір басталды, деп есептейді ғалым.
«Іргелі ғылымдағы ілгерілеу технологиялық инновациялар үшін өмірлік маңызды ғана емес, ол адамзат өркениетінің үздіксіз эволюциясының негізгі қозғаушы күші ретінде де қызмет етеді», - деді ол. «Бүгінгі таңда ғылым саласындағы халықаралық ынтымақтастықты нығайту және өзара алмасу мен сенімді ілгерілету бұрынғыдан да маңызды». Ол қазіргі құрылтайдың осындай платформа болатынына сенім білдірді.
Цю Чэнтунның бастамасымен ICBS алғаш рет 2023 жылы Бейжіңде өтті, содан бері конгресс жыл сайын «Адамзаттың игілігі үшін ғылымды дамыту» тақырыбымен өткізіліп келеді.
Биылғы жылы конгресс аясында 500-ден астам академиялық сессия өтеді, онда атақты ғалымдар өз салаларындағы соңғы жетістіктермен бөліседі.
