Қытай Иран, Иордания, Ливан және Ирак елдеріне шұғыл гуманитарлық көмек көрсету туралы шешім қабылдады. Бұл көмек жергілікті тұрғындардың ауыр гуманитарлық жағдайын жеңілдетуге бағытталған, деп хабарлайды Xinhua.
Бұл туралы сейсенбі күні Қытай Сыртқы істер министрлігінің ресми өкілі Линь Цзянь мәлімдеді.
«Жалғасып жатқан қақтығыс Иран және өңірдің басқа да елдерінің халқы үшін ауыр гуманитарлық апаттарға алып келді. Қытай тиісті елдердің халықтарына терең жанашырлық білдіреді және моральдық қолдау көрсетеді», — деді дипломат кезекті баспасөз брифингінде.
Линь Цзянь Қытай бұдан әрі де бейбітшілік пен атысты тоқтатуға ықпал ету, өңірлік бейбітшілік пен тұрақтылықты мүмкіндігінше тез қалпына келтіру және гуманитарлық дағдарыстың одан әрі ушығуына жол бермеу үшін барлық мүмкін шараларды қабылдайтынын атап өтті.
