Қытай Мемлекеттік кеңесі Премьерінің орынбасары Хэ Лифэн мен Канаданың Қаржы министрі Франсуа-Филипп Шампань жұма күні Бейжіңде ағымдағы жылдың екінші жартысында қытай-канадалық қаржы-экономикалық стратегиялық диалог өткізуге келісті, деп хабарлайды Xinhua.
Қытай тарапынан диалогты үйлестіруші болып табылатын Хэ Лифэн екі ел басшылары қол жеткізген маңызды келісімдерді іске асыруға, экономика, сауда және қаржы салаларындағы ынтымақтастықты тереңдетуге, сондай-ақ қытай-канадалық экономикалық байланыстардың тұрақты әрі орнықты дамуына ықпал етуге шақырды.
Канада тарапынан диалог үйлестірушісі Франсуа-Филипп Шампань өз кезегінде Канада Қытаймен қарым-қатынасқа үлкен мән беретінін және қаржы-экономикалық ынтымақтастықты одан әрі дамыту арқылы нақты нәтижелерге қол жеткізуге мүдделі екенін мәлімдеді.
Тараптар сондай-ақ қаржы мәселелері жөніндегі қытай-канадалық жұмыс тобының және екіжақты қаржы институттарының дөңгелек үстелінің өкілдерімен бірлескен кездесу өткізіп, екі ел ұйымдарының бір-бірінің нарықтарында қызметін кеңейту ниетін құптады.
