Қытайлық математиктер Дэн Юй мен Ван Хун математика саласындағы ең беделді халықаралық марапат – Филдс сыйлығының лауреаттары атанды. Бұл – Қытай ғалымдарының аталған сыйлыққа алғаш рет ие болуы. Лауреаттардың есімдері Филадельфияда өткен 2026 жылғы Халықаралық математиктер конгресінің ашылу салтанатында жарияланды.
Дэн Юй сыйлықты дербес туындылы дифференциалдық теңдеулер саласындағы зерттеулері үшін алса, Ван Хун гармониялық талдау мен өлшемнің геометриялық теориясы бағытындағы жетістіктері үшін марапатталды. Екі ғалым да бұл марапатты өздерінің көпжылдық ғылыми еңбегіне және қазіргі заманғы математиканың дамуына қосқан үлесіне берілген жоғары баға деп атады.
Филдс сыйлығының лауреаты Ефим Зельманов қытайлық математиктерді құттықтап, олардың жетістігі Қытайдың әлемдік математика ғылымындағы рөлінің қарқынды өсіп келе жатқанын көрсететінін айтты. Оның сөзінше, екі ғалым да бастапқы жоғары білімін Қытайда алған.
Филдс сыйлығы төрт жылда бір рет ғылымдағы ерекше жетістіктері мен болашақтағы маңызды жаңалықтарға қол жеткізу әлеуеті үшін жасы 40-қа толмаған екі-төрт математикке табысталады.
